“Şamaxı” vacib fiqurlarından birini itirib.
Bölgə təmsilçisinin kapitanı Elvin Məmmədov ciddi zədə alıb.
Noyabrın 28-də “Kəpəz”lə ev oyununda meydana start heyətində çıxan, lakin sonradan əvəzlənən yarımmüdafiəçi həkim müayinəsindən keçib. Məlum olub ki, 34 yaşlı futbolçu arxa əzələsindən zərbə alıb.
Kapitan məhz bu səbəbdən “Sabah” və “Zirə” ilə qarşılaşmalarda meydana çıxa bilməyib. Dekabrın 23-də “Neftçi”yə qarşı forma geyinə bilməyəcəyi də artıq dəqiqləşib.
Elvin Məmmədov cari Premyer Liqa mövsümündə 15 oyunda forma geyinib və 2 qol ötürməsinin müəllifi olub.
HƏBİB / SPORTİNFO.AZ
