.jpg)
“Keşlə”nin bu yay heyətinə qatdığı 3 yeni legionerdən biri olan Omar Qudiabi tezliklə Azərbaycanı tərk edə bilər.
Sportinfo.az-ın məlumatına görə, baş məşqçi Sənan Qurbanov seneqallı sol cinah yarımmüdafiəçisinin xidmətində maraqlı deyil.
O, klub rəhbərliyi ilə söhbətində afrikalının xidmətində maraqlı olmadığını bildirib.
Gənc çalışdırıcı etiraf edib ki, transfer çalışmaları zamanı tələskənliyə yol verib və bunu komandanın Konfrans Liqasında mübarizəyə hazırlaşması ilə əlaqələndirib.
26 yaşlı futbolçu müqavilə ilə Şimali Makedoniyadan “Şkupi”yə məxsusdur. Amma geridə qalan mövsümdə o, icarə əsasında bu ölkənin digər klubu “Pelister”inin uğurları üçün çalışıb.
“Keşlə” ilə 1 illik müqavilə imzalayan Qudiabi 2019-cu ildən “Şkupi”də çıxış edirdi. O, daha öncə ölkəsində bir neçə komandanın uğurları üçün çalışıb.
