Maliyyə problemləri üzündən mövsümün əvvəlində və ortasında xeyli sayda futbolçusunu itirən "Səbail" baxışa yeni legioner çağırıb.
Sportinfo.az xəbər verir ki, Konqo Demokratik Respublikası yığmasının yarımmüdafiəçisi Çikito Lema Mabidi bu gün "dənizçilər"lə düşərgəsinə gəlib.
Son olaraq Mərakeşdə "Raca Kasablanka"da çıxış edən 26 yaşlı yarımmüdafiəçi 91 oyuna 7 qol vurub. O, karyerası ərzində ölkəsində "AS Vita Klub" və Tunisdə "Sfaksien"in formasını geyinib.
2011-ci ildən Konqo millisinə dəvət alan Mabidi 23 oyun keçirib. Afrikalı ucuzvari legionerdir. Son aylar klub tapa bilmədiyi üçün "Səbail"ə pənah gətirib.