21 yaşadək futbolçulardan ibarət Azərbaycan milli komandası AVRO-2027-nin seçmə mərhələsinin B qrupunda Çexiya ilə qarşılaşıb. Görüş 1:1 hesabı ilə başa çatıb.
Matçdan sonra yığmamızın müdafiəçisi Emin Rüstəmov Sportinfo.az-a açıqlama verib. O, ilk olaraq qarşılaşma barədə fikirlərini bölüşüb:
“Oyun gözlədiyimiz kimi ağır keçdi. Rəqibimiz güclü futbolçulardan komplektləşmiş komanda idi. Amma şükürlər olsun ki, 1 xal qazana bildik. Növbəti oyunlarda da xal qazanmağa çalışacağıq”.
Gənclərimiz ilk oyunda Çexiyaya səfərdə 0:5 hesabı ilə məğlub olmuşdu. Maraqlıdır, qısa müddət ərzində komandamız nəyi dəyişdi ki, bu dəfə güclü rəqib qarşısında meydandan müsbət nəticə ilə ayrıldı?
Rüstəmov sualı qısaca bu cür cavablayıb:
“İlk oyunla müqayisədə daha istəkli və daha inamlı oynadıq”.
XANOĞLAN
