Uğurun yolunu tapan "Qəbələ"dən ardıcıl 5-ci çempionluq

26 May 17:10 Qəbələ 196
Uğurun yolunu tapan "Qəbələ"dən ardıcıl 5-ci çempionluq

AFFA-nın İcraiyyə Komitəsinin qərarı ilə koronavirus pandemiyası üzündən yarımçıq dayandırılan yarışlardan ikisində çempion elan olunan “Qəbələ” U-16 və U-15 liqalarında hegemonluğunu davam etdirib.

Sportinfo.az klubun saytına istinadən xəbər verir ki, “qırmızı-qaralar” ardıcıl 5-ci dəfə U-16 Liqanın qızıl medallarına yiyələnib.

Komanda 2015/16 mövsümündən başlayaraq hər dəfə 1-ci yeri tutur. Son illərin dəyişməz çempionu olan “Qəbələ” 2011/12 mövsümündən keçirilən U-16 Liqada daim ilk iki yerdən birində qərarlaşıb.

“Qırmızı-qaralar”ın aktivində 9 mövsümdən yeddisində (2012/13, 2013/14, 2015/16, 2016/17, 2017/18, 2018/19, 2019/20) qızıl, ikisində (2011/12, 2014/15) gümüş medaldır.

U-15 Liqasında da təmsilçilər mükafatçılar sırasına düşmək seriyasına malikdir. 2008/09 mövsümündən keçirilən yarışın ilk dörd yarışında uğur qazanmayan “Qəbələ” son 8 turnirdə mükafatsız qalmayıb.

2012/13, 2013/14, 2015/16 və 2016/17 mövsümlərinin çempionu olan “qırmızı-qaralar” 2019/20 mövsümündə qızıl medalların sayını 5-ə çatdırıb. 2014/15, 2017/18 və 2018/19 mövsümlərində isə yalnız çempiondan geri qalan futbolçular ikinci yerə sahib çıxıb.

Bir sözlə, U-16 və U-15 liqalarında keçirilən 21 turnirdə “Qəbələ”nin komandaları 12 qızıl, 5 gümüş mükafata yiyələnib və yalnız 4 dəfə “üçlük”dən kənar qalıb.

Xəbər Lenti
9 İyul 13:12 Azərbaycanı tərk etdi