.jpg)
"Daha əvvəl belə soyuq havada oynamamışdım. Bu, işimi bir az çətinləşdirdi".
Sportinfo.az xəbər verir ki, bunu "Qarabağ"ı Macarıstan "Ferentsvaroş"una dəyişən Kvabena Ovusu "Pakş"a 3:1 hesabı ilə qalib gəldikləri XVII tur oyunu ilə bağlı "Nemzetisport"a açıqlamasında deyib.
26 yaşlı hücumçu qarşılaşmanın asan keçmədiyini bildirib:
"Artıq isinmə hərəkətləri edərkən matçdan həzz alırdım. Artıq "Uypeşt"lə görüşü düşünürəm. Bu oyunda da qalib gəlməliyik".
Qanalı legioner ötən ay Ağdam təmsilçisindən "Ferentsvaroş"a keçib. "Pakş"la qarşılaşmanın 65-ci dəqiqəsində oyuna girən afrikalı hücumçu 72-ci dəqiqədə bərabərlik qoluna imza atıb.
