Yurçeviçin bəyəndiyi azərbaycanlının vəziyyəti ilə bağlı SON XƏBƏR

17 Oktyabr 13:00 Problem 745
Yurçeviçin bəyəndiyi azərbaycanlının vəziyyəti ilə bağlı SON XƏBƏR

Yayda köhnə-yeni komandası “Səbail”ə qayıdan Şəhriyar Rəhimova cari Premyer Liqa mövsümündə debüt etmək nəsib olmadı.

Yaydakı hazırlıq dönəmində zədələnən təcrübəli müdafiəçinin vəziyyətinin gözləniləndən pis olduğu üzə çıxdı.

Və buna görə bir neçə ay yaşıl meydanlardan uzaq düşdü.

Vaxtilə əsas millinin də şərəfini qorumuş solaxaq müdafiəçinin durumunu diqqət mərkəzində saxladığımızdan, onunla yenidən əlaqə saxladıq.

Şəhriyar Sportinfo.az-a zədəsi ilə bağlı bunları dedi: “Vəziyyət yaxşılığa doğru gedir, lakin tam yaxşı da demək olmaz.

Hələ məşqlərə başlamamışam, müalicəm davam edir. Düzü, 20 gün əvvəl məşqə başlamışdım. Ağrılarım oldu deyə, dayandırdım.

Müayinələrdən sonra məşqə nə vaxt başlayacağım bilinəcək. Görünən odur ki, bir müddət də gözləməliyəm”.

32 yaşlı futbolçu karyerası ərzində vaxtilə “İnter”, AZAL, “Rəvan”, “Kəpəz”, “Səbail” və “Zirə”nin şərəfini qoruyub. Həmçinin, 9 matçda (8-i Nikola Yurçeviçin baş məşqçi olduğu dönəmdə) əsas millinin formasını geyinib.

Digər Xəbərlər
Xəbər Lenti