"Kəpəz" Azər Məmmədovun istefasından sonra baş məşqçi axtarışlarını davam etdirir.
Az vaxt qaldığından komandanı "Araz-Naxçıvan" ilə matça Etibar İbrahimov hazırlayıb çıxaracaq.
O, Azər Məmmədovun məşqçilər korpusunda yer alıb. İbrahimov bu matçdan sonra "sarı-göylər"lə vidalaşacaq.
Klubdan redaksiyamıza verilən məlumata görə, yeni çalışdırıcının kimliyi qarşıdakı bir həftə ərzində müəyyənləşəcək. Hazırda bir neçə yerli və əcnəbi mütəxəssislə danışıqların getdiyi bildirilib.
A.Məmmədov Premyer Liqanın 12-ci turunda "Qarabağ"a 1:7 hesabı ilə məğlubiyyətindən sonra istefa verib.
SPORTİNFO.AZ