"Kəpəz" Azərbaycan Premyer Liqasının 5-ci turunda doğma divarlar arasında "Qəbələ"ni qəbul edib.
Qərb təmsilçisi ağır keçən qarşılaşmadan minimal hesablı qələbə ilə ayrılaraq növbəti 3 xalı aktivinə yazıb.
Matçın ardından "Kəpəz"in yarımmüdafiəçisi Şakir Seyidov Sportinfo.az-a müsahibə verib.
– İlk öncə oyunla bağlı nələr deyə bilərsən?
– Oyuna həftəboyu ciddi hazırlaşmışdıq. Şükürlər olsun ki, qələbə qazanıb 3 xalı götürdük.
– Ötən tur "Şamaxı"ya 1:4 hesablı məğlubiyyətdən sonra toparlanmaq çətin olmadı?
– 4:1 hesablı məğlubiyyəti unutmalı və bu oyuna köklənməli idik. Çünki oyunun vacibliyini bilirdik, xal qazanmalı idik. "Şamaxı" ilə oyuna da yaxşı hazırlaşmışdıq. Təəssüf ki, həmin oyunumuz alınmadı.
– Yeni arena, dolu tribunalar necədir? Qələbələrdə nə qədər rol oynayır?
– Arenanın atmosferi əladır. Azarkeşlərin dəstəyini hər an hiss etmək çox yaxşıdır.
– Bu mövsüm az şans alırsan. Rəqabət artıb, yoxsa formanda eniş var?
– Rəqabət hər mövsüm var. Formamda eniş yoxdur, şükür Allaha. Sadəcə, hər məşqçinin öz oyun fəlsəfəsi var. İnanıram ki, hər kəsə şans düşəcək. Əsas məsələ həmin şansdan yararlanmaqdır.
XANOĞLAN İMANOV
