Kriştianu Ronaldo Səudiyyə Pro Liqası rəhbərliyinə çağırış edərək “Əl-Hilal”ın futbolçusu Ruben Neveşə qarşı mərhum dostu Dioqo Jota üzərindən psixoloji təzyiq göstərən “Əl-Taavun” azarkeşlərinin stadiona girişinə ömürlük qadağa qoyulmasını tələb edib.
Sportinfo.az xəbər verir ki, “Əl-Hilal”ın 6:0 hesablı darmadağınla qalib gəldiyi oyundan sonra tribunalardan gələn təxribatçı şüarlara münasibət bildirən portuqaliyalı yarımmüdafiəçi Ruben Neveş də sərt danışıb.
“Ümid edirəm ki, bu etdiklərindən sonra utanmadan ibadət etməyə, dua etməyə getməzlər, Allah hər şeyi görür”, – deyə Neveş azarkeşlərin mənəviyyatsızlığına reaksiya verib.
“Əl-Taavun” azarkeşləri oyun zamanı Neveşi qıcıqlandırmaq üçün keçən il yol qəzasında faciəvi şəkildə həlak olan keçmiş komanda yoldaşı və yaxın dostu Dioqo Jotanın adını tempə salaraq təhrikçi şüarlar səsləndirmişdilər.
Ronaldo milli komandadakı yoldaşının müdafiəsinə qalxaraq bu cür addımların cəzasız qalmamalı olduğunu vurğulayıb.
