Banqladeş Futbol Federasiyası (BFF) Azərbaycanda keçiriləcək FIFA U-15 Dünya Çempionatı və Festivalında iştirak edəcək milli komanda üçün futbolçu seçimlərinə başlayıb.
Sportinfo.az xəbər verir ki, ilkin seçimlər sentyabrın 12-dək ölkənin paytaxtında olacaq.
Maraqlıdır ki, ölkənin 8 inzibati bölgəsində BFF tərəfindən akkreditasiya almış akademiyaları təmsil edən ümumilikdə 320 futbolçu hazırda özünü sınayır.
Hər akademiyaya seçimlərə 2 futbolçu göndərməyə icazə verilib.
U-15-lərin dünya çempionatı 22-31 oktyabrda ölkəmizdə keçiriləcək.
