“Milan”ın baş məşqçisi Stefano Pioli A Seriyasının 4-cü turunda “İnter”lə oyunla bağlı gözləntilərini bölüşüb.
Sportinfo.az xəbər verir ki, o, əvvəlki məğlubiyyətlərə əhəmiyyət vermədiyini bildirib:
“Mən əhəmiyyət vermirəm, keçmişin əhəmiyyəti yoxdur. Əvvəlki derbilərdəki məğlubiyyətlər məni maraqlandırmır.
Sabahı düşünürəm. Mənə maraqlıdır ki, komanda həll yollarını tapsın, öz futbolunu oynasın və rəqibi çətin vəziyyətə sala bilsin”.
“İnter” – “Milan” oyunu sentyabrın 16-da keçiriləcək.
Dörd turdan sonra “İnter” 9 xalla A Seriyasının turnir cədvəlinə başçılıq edir. “Milan” ikincidir (9 xal).
