“Yuventus”un futbolçusu Danilo Turin klubunun avrokuboklardan kənarlaşdırılmasına münasibət bildirib.
Sportinfo.az xəbər verir ki, o, klub rəhbərliyinin vəziyyəti düzgün dəyərləndirəcəyi halda, yaxşı işlər görə biləcəklərini söyləyib:
“Əlbəttə, avrokuboklarda çıxış etmək istəyirdik. Klub rəhbərliyi hazırkı vəziyyəti düzgün dəyərləndirə bilsə, yaxşı işlər görə bilərik.
Qarşıdakı mövsümdə diqqətimizi İtaliya çempionatına və kubokuna yönəltməliyik. Əsas məqsədimiz A Seriyasını qazanmaq və “Yuventus”u yenə də İtaliya futbolunun zirvəsinə aparmaqdır”.
Öncədən “qoca sinyora”nın avrokuboklardan kənarlaşdırılması haqda xəbər vermişdik.
