Azərbaycan millisinin hücumçusu Mahir Emrelinin çıxış etdiyi “Rakuv” Polşa Kubokunun 1/16 final mərhələsində çətin qələbə qazanıb.
Sportinfo.az xəbər verir ki, Çenstoxova təmsilçisi səfərdə “Motor Lublin”lə əsas və əlavə vaxtı 1:1 hesabı ilə başa çatan qarşılaşmanın penaltilər seriyasında 3:1 hesabı ilə üstün olub.
Mahir Emreli matça start heyətində başlayıb və 82-ci dəqiqədə Adam Basse ilə əvəzlənib.
Oyunun ilk hissəsində qol vurulmayıb. Fasilədən sonra, 51-ci dəqiqədə “Rakuv”un qapıçısı Katser Trelovskinin Karol Çubaka qarşı qayda pozuntusuna görə meydan sahiblərinin xeyrinə penalti təyin edilib.
Mbaye Ndiaye 11 metrlik zərbəni dəqiq yerinə yetirərək “Motor”u hesabda önə çıxarıb. 90+2-ci dəqiqədə Bereşinski ikinci sarı vərəqəni alaraq meydandan qovulub.
İki dəqiqə sonra Lamin Diabi-Fadiqa cərimə meydançasının kənarından qüvvətli zərbə ilə hesabı bərabərləşdirib – 1:1.
Əlavə vaxtda say üstünlüyünə malik olan “Rakuv” bir neçə qol imkanı yaratsa da, fərqlənə bilməyib.
Qalib penaltilər seriyasında müəyyənləşib. Burada 3:1 hesabı ilə üstün olan qonaqlar 1/8 finala vəsiqə qazanıblar.
.jpg.jpg)