“Yuventus” “Çelsi” klubunun hücumçusu Romelu Lukakunu transfer etməyi düşünür.
Sportinfo.az xəbər verir ki, İtaliya klubunun planı belçikalı forvardı sonradan birdəfəlik almaq şərti ilə icarəyə götürməkdir.
“İnter” azarkeşləri Lukakunun “Yuventus”a mümkün keçidi ilə bağlı açıqlama yaymışdılar. Turin təmsilçisinin fanatları da 30 yaşlı futbolçunun transferinə müsbət münasibət göstərməyiblər.
Lukaku 2022/23 mövsümünü icarə əsasında “İnter”də keçirib. O, bütün turnirlər daxil olmaqla 37 oyuna çıxıb, 14 qol vurub və 7 məhsuldar ötürmə edib.
