“Barselona”nın qapıçısı Voyçex Şesnı Kataloniya klubu ilə “Yuventus”un fərqindən danışıb.
Sportinfo.az xarici KİV-ə istinadən xəbər verir ki, polşalı qolkiper bunu deyib:
“Mən taledən şikayət edə bilmərəm. Onun mənə münasibətinə görə çox minnətdar olmalıyam.
“Barselona”da oynamaq çox maraqlıdır, çünki bu, indiyə qədər yaşadıqlarımdan tamamilə fərqli, çox gözəl oyundur.
Həyatda müqayisə aparmağı sevmirəm, amma deyə bilərəm ki, “Yuventus”da hər şey nəticə ətrafında fırlanır, nəticə ən vacib şeydir.
“Barselona”da isə futbol sevinci var və bu, yoluxucudur. Milyonlarla insanın baş verənləri necə izlədiyini görmək çox təəccüblüdür”.
