“Barselona”nın hücumçusu Rafinya, almaniyalı baş məşqçi Hans-Diter Flikin komandaya gəlişindən əvvəl Kataloniya klubundan ayrılmağı düşündüyünü açıqlayıb.
Sportinfo.az xəbər verir ki, braziliyalı futbolçu “Diario Sport”-a açıqlamasında Amerika kubokundan sonra komandanı dəyişmək qərarını ciddi şəkildə düşündüyünü bildirib:
“Flik vəziyyətə münasibətimi dəyişdi. Amerika kubokundan sonra komandamı dəyişmək barədə ciddi düşünürdüm.
Hətta artıq qərarımı vermişdim. Ancaq o, dünyagörüşümü dəyişdi. Mənim üçün burada qalmaq vacib idi”.
29 yaşlı braziliyalı 2022-ci ilin yayından “Barselona”da çıxış edir. Onun Kataloniya klubu ilə müqaviləsinin müddəti 2028-ci ilin iyununun sonuna qədərdir.
Rafinyanın hazırkı transfer dəyəri 70 milyon avro qiymətləndirilir. Onun komandası UEFA Çempionlar Liqasının 5-ci turunda, noyabrın 25-də Bakıda “Sabah”ın qonağı olacaq.
