Avrokubokların pley-off mərhələsinin ilk oyunlarından sonra UEFA reytinqi açıqlanıb.
Sportinfo.az xəbər verir ki, baş tutan qarşılaşmalar cədvəldə bəzi dəyişikliklərə səbəb olub.
Azərbaycan hesabına daha 0,375 xal yazıb. Bunun 0,250-si “Aberdin”i məğlub edən “Qarabağ”ın, 0,125-i “Makkabi” (Hayfa) ilə heç-heçə edən “Neftçi”nin payına düşür.
Bununla da ölkəmizin cari mövsümdəki qazancı 1,875-ə çatıb. “Qarabağ” 1,000, “Neftçi” 0,750, “Sumqayıt” 0,125 xal əldə edib.
Lakin bu qazanc irəliləmək üçün yetərli olmayıb. Azərbaycan siyahıda 30-cu sırada qalıb. Düzdür, Sloveniyaya çatmaq mümkün olub, lakin əlavə göstəricilərdə balkanlılar öndədir. 31-ci olan Slovakiya ilə xal fərqi isə 0,500-ə qədər artıb.
Qeyd edək ki, cədvələ İngiltərə başçılıq edir.
