Yeni mövsümdən İtaliya A seriyasında çıxış edəcək “Komo”nun yeni baş məşqçisi müəyyənləşib.
Sportinfo.az klubun mətbuat xidmətinə istinadən xəbər verir ki, komandanı Sesk Fabreqas çalışdıracaq.
İspaniyalı mütəxəssislə 4 illik müqavilə imzalanıb.
37 yaşlı Fabreqas futbolçu karyerasını 2023-cü ilin yayında “Komo”da bitirib. İspaniya millisinin və “Barselona”nın sabiq üzvü 2023-cü ilin dekabrından “Komo”da köməkçi məşqçi kimi çalışırdı.
