Premyer Liqanın 27-ci turu çərçivəsində “Turan Tovuz” doğma meydanda “Qarabağ”ı qəbul edib
Rəqibin “Qarabağ”, havanın xoş, həftənin bazar günü olması yerli insanların sevincinə səbəb olub.
Arenanın qapıları oyunun startından 2 saat əvvəl açılıb və artıq həmin vaxtdan etibarən azarkeşlər tribunadakı yerini tutmağa tələsib.
“Turan Tovuz”un avrokubok mübarizəsinə qoşulmasını əsas səbəb kimi göstərmək mümkündürsə, qonaq komandanın ölkənin ən sevilən kollektivi “Qarabağ” olması ümumi ab-havaya ciddi təsir göstərib.
Azarkeşlərin arasında yaşlı kişilərə, valideynləri ilə gələn azyaşlı uşaqlara, çox sayda zərif cinsin nümayəndələrinə rast gəlmək mümkündür.
HƏBİB, Tovuz
SPORTİNFO.AZ