Məlum olduğu kimi, Premyer Liqanın 26-cı turunda "Kəpəz" Tovuz şəhər stadionunda "Neftçi"ni qəbul edib (3:3).
Bu matçda "Kəpəz" azarkeşlərindən biri polislər tərəfindən arenadan uzaqlaşdırılıb.
Buna səbəb "Kəpəz" fanatının AFFA nümayəndəsi Məmmədəli Məmmədovla mübahisə etməsi olub.
Qarşılıqlı söz atışmasından sonra hadisənin daha da böyüməməsi üçün polislər fanatı tribunadan kənarlaşdırıb.
Klubdan redaksiyamıza bildirilib ki, həmin şəxs artıq sərbəst buraxılıb. "Kəpəz" rəhbərliyinin köməkliyi sayəsində.
SPORTİNFO.AZ
