Misli Premyer Liqasının 29-cu turunun “Neftçi” – “Qarabağ” oyununu 9500 tamaşaçı izləyib.
Sportinfo.az PFL-in saytına istinadən xəbər verir ki, bu, Bakı klubunun Premyer Liqadakı ev matçlarında son 15 mövsümün ən yüksək göstəricisidir.
“Ağ-qaralar”ın meydanında daha çox izləyici sonuncu dəfə 2010/11 mövsümündə qeyd alınıb.
2011-ci il fevralın 13-də “Xəzər Lənkəran”la Tofiq Bəhramov adına Respublika Stadionundakı qarşılaşmanı (0:0) 10 min seyrçi izləyib.
“Palms Sports Arena”dakı görüşdə qonaqlar qalib gəlib – 5:1.
.jpg)
