DÇ-2026-nın seçmə mərhələsində Azərbaycan millisi ilə qarşılaşacaq Fransa seçməsi Bakıda tək olmayacaq.
Fransadan ölkəmizə kifayət qədər azarkeş gələcək.
Əldə etdiyimiz bilgiyə görə, noyabrın 16-da Tofiq Bəhramov adına Respublika stadionunun qonaqlar üçün nəzərdə tutulmuş tribunasında təxminən 100 nəfər fransız azarkeç yer alacaq.
Fransa Futbol Federasiyasından AFFA-ya verilən məlumatda say bu şəkildə göstərilib.
Maraqlıdır ki, yerli media da bu oyuna ciddi maraq göstərir. Sözügedən ölkədən paytaxtımıza 50-yə yaxın jurnalistin gəlməsi nəzərdə tutulmuş. Onlar qəzet, sayt, radio və televiziya əməkdaşlarıdır.
Həmkarlarımız təkcə oyundan yox, Bakıdan da xüsusi reportajlar hazırlayacaq.
Bu, o deməkdir ki, Azərbaycan – Fransa qarşılaşması Fransada xüsusi şəkildə təqdim olunacaq.
Noyabrın 16-da Tofiq Bəhramov adına Respublika stadionunda keçiriləcək qarşılaşma saat 21:00-da başlayacaq.
HƏBİB / SPORTİNFO.AZ
.jpg)
