.jpg)
Azərbaycan Premyer Liqası bu həftə başa çatır.
Sonuncu - 36-cı turda hər kəsin maraqla gözlədiyi qarşılaşma Bayılda baş tutacaq.
Burada "Səbail" "Şamaxı"nı qəbul edəcək.
Qarşılaşmaya maraq gətirən əsas səbəb isə təbii ki, 90 dəqiqənin sonunda bu iki komandadan hansının sonuncu pilləni tutub aşağı liqaya yuvarlanacağı sualıdır.
Üstünlük meydan sahiblərinin tərəfində kimi görünür.
Çünki Şahin Diniyevin çalışdırdığı komanda həm büdcəsinə, həm heyətinə görə rəqibini bir xeyli qabaqlayır. Digər tərəfdən 28-i onları bərabərlik də qane edir.
Qonaqlar isə mütləq qələbə qazanmalıdır. Yalnız bu halda Premyer Liqada qalmaq mümkün olacaq.
Bütünlüklə yerli futbolçulardan ibarət bölgə klubunda çox sayda da gənc futbolçu çıxış edir. Əksəriyyətinin belə oyunlar üçün təcrübəsi yox kimidir.
Amma olanlar da yox deyil.
Məsələn, Amil Yunanov, Elvin Məmmədov böyük təcrübəyə sahib sabiq milli üzvləridir. Gənclərdən isə Cəlal Hüseynovu missal çəkmək olar. 20 yaşlı futbolçu milli komandada və “Zirə”də belə stressli matçlar keçirib.
Elə rəhbərliyin, məşqçilər korpusunun də adıçəkilənlərə ümidi böyükdür.
Əbəs deyil ki, “Şirlər”in sosial şəbəkə hesabından oyunun afişasında məhz bu 3 futbolçu yer alıb.
Bəs, onlar ümidləri doğrulda biləcəklərmi?
Bu suala 3 gündən sonra “ASCO Arena”da cavab tapılacaq.
XANOĞLAN / SPORTİNFO.AZ
.jpg)
