"Şamaxı"nın kapitanlarından biri olan Şəhriyar Əliyevin "Sumqayıt"la oyundakı məğlubiyyətdən (0:2) sonra əvəzedici komandaya göndərilməsi barədə xəbər vermişdik.
Təcrübəli oyunçu bu səbəbdən komandasının "Qəbələ" ilə son oyunun da buraxmalı olmuşdu.
Əliyev barədə belə qərara səbəb kimi maaşının azalmasına razı olmaması səbəb kimi göstərilir. Amma mərkəz müdafiəçisi Sportinfo.az-a açıqlamasında bu ehtimalı yaxın buraxmadı:
"Vallah-billah, mənim klubda heç kimlə maaş söhbətim olmayıb. Əvəzedici komandaya göndərilmə səbəbinə gəlincə isə mən özüm də dəqiq nəsə bilmirəm.
Məncə, bu barədə baş məşqçi açıqlama versə daha yaxşı olar. Çünki həqiqətən bildiyim nəsə yoxdur ki, sizə deyim.
Baş məşqçinin qərarıdır və mən də buna hörmətlə yanaşaraq əvəzedici komandada məşqlərimi edirəm".
XANOĞLAN