“Şamaxı” aprelin 9-da üz-üzə gələcəyi “Neftçi”ylə oyun üçün matçdan bir gün öncə Şamaxıya yola düşüb.
“Ağ-qırmızılar” Şamaxı Olimpiya Kompleksində məskunlaşıb.
Saat 16:00-da komandanın qarşılaşmaöncəsi son məşqi baş tutub. Məşqdə zədəli futbolçular iştirak etməsə də, saytımızın “hadisə yerindən” verilən məlumata görə “Şamaxı”nın məşqində xoş əhval-ruhiyyə müşahidə olunub.
Belə ki, stadionun tribunalarında olan sürpriz qonaqlar məşqçilər heyəti ilə futbolçuları xeyli ümidləndirib. Məşqin vaxtından xəbər tutan yerli azarkeşlər hazırlıqdan xeyli öncədən tribunadakı yerini bərkidib.
Təxminən 100-ə yaxın şamaxılı futbolsevər məşqi yaxından izləyib, şəhəri Premyer Liqada təmsil edəcək komandaya uğurlar arzulayıb.
Azərbaycan Premyer Liqasının 21-ci turu çərçivəsində baş tutacaq “Şamaxı” – “Neftçi” görüşü aprelin 9-u, saat 14:00-da başlayacaq.
HƏBİB / SPORTİNFO.AZ
