"Sabah"la oyunda zədə alaraq meydanı erkən tərk edən "Keşlə"nin gənc futbolçusu Elçin Mustafayevin durumuna aydınlıq gəlib.
Sportinfo.az-ın məlumatına görə, müdafiəçinin çiyni sınıb. Elçin yaxın günlərdə əməliyyat olunacaq.
Bu isə onun uzun müddət yaşıl meydanlardan kənarda qalması deməkdir.
Bu səbəbdən 21 yaşlı oyunçu U-21 millimizin heyətindən də çıxarılıb.
Xatırladaq ki, Elçin Mustafayev "Sabah"la görüşün 33-cü dəqiqəsində zədələnərək yerini Rəfail Məhərrəmliyə vermişdi.
