COP29

Komandası “zona”dan uzaqlaşdı, legioneri bu sözlərlə ümid verdi

23 Aprel 23:40 Səbail 596
Komandası “zona”dan uzaqlaşdı, legioneri bu sözlərlə ümid verdi

“Bu oyunda qalib gəlsəydik, avrokubok zonası ilə xal fərqimiz elə də çox olmayacaqdı.

Təəssüf ki, 3 yox, 1 xal qazandıq”.

Bu sözləri Sportinfo.az-a açıqlamasında “Kəpəz”lə oyun haqda danışan “Səbail”in yarımmüdafiəçisi Valdemar Almeyda (Pana) deyib.

“ASCO Arena”da baş tutan qarşılaşma 3:3 hesabı ilə başa çatdı ki, bu, bayıllıların ziyanına işlədi.

Avrokuboklara vəsiqə uğrunda əsas rəqiblər – “Neftçi”, “Sabah” və “Turan Tovuz”un qələbələri fonunda “Səbail”in bərabərə qalması tunir cədvəlində aşkar fərq yaratdı.

Hazırda aktivində 39 xal olan “dənizçilər”i 4-cü pillədəki “Sumqayıt”dan 5 xal ayırır. Sona 6 tur qalmış heç də az fərq deyil.

Portuqaliyalı legioner çətinliklərə baxmayaraq, sona qədər mübarizə aparacaqlarını gizlətməyib:

“Vəziyyət nisbətən çətinləşsə də, riyazi baxımdan şanslarımız qalmaqdadır. Komandalar xal baxımından bir-birinə çox yaxındırlar.

Sona qədər mübarizə aparmaq üçün əlimizdən gələni edəcəyik. İndiki mərhələdə rəqiblərin xallarına baxmaqdan çox öz nəticələrimizə diqqət yetirməli və onu yaxşılaşdırmalıyıq”.

HƏBİB

Digər Xəbərlər
Xəbər Lenti