"Qəbələ" hə an satmağa hazır olduğu Ceyms Adeniyinin transfer qiymətini müəyyənləşdirib.
Sportinfo.az-ın məlumatına görə, nigeriyalı hücumçunun xidmətində maraqlı olan klub 80 min dollar ödəməlidir.
2018-ci ilin yayında "Qəbələ" ilə 3 illik müqavilə imzalamış afrikalı həmin mövsüm 31 oyuna 12 qol vurmuşdu.
Forvard 2019/2020 mövsümünü icarə əsasında "Hapoel"də (Kiryat-Şmona) keçirib. İsrail klubunun bu müddətdə "qırmızı-qaralar"a 100 min dollar ödədiyini bildirək.