«Qəbələ» yeni mövsümün ilk legioner transferini həyata keçirib.
«Səbail»dən Ürfan Abbasovla Məqsəd İsayevi rənglərinə bağlayan, Nicat Mehbalıyevi «Sabah»dan icarəyə götürən əyalət təmsilçisi bu dəfə İspaniya bazarına üz tutub.
Sportinfo.az-ın məlumatına görə, bölgə klubu Kristo Atanqana ilə anlaşıb. 2000-ci il doğumlu qapıçı qarşıdakıı 1 ildə qırmızıı-qara formanı geyinəcək.
Avqustun 12-də ad gününü qeyd edəcək kiper əslən kamerunludur.
Özü İspaniyada dünyaya gəldiyi üçün bu ölkənin vətəndaşı olan Atanqana futbolda ilk addımlarını «Atletik»də atıb. O, son mövsümü Bilbao təmsilçisinin B komandasında keçirib.