Afrika Millətlər Liqasında seçmə mərhələnin növbəti oyunları keçirilib.
Sportinfo.az xəbər verir ki, “Zirə”nin yarımmüdafiəçisi Rikardo Martinsin çıxış etdiyi Mozambik millisi Sudanı qəbul edib.
Görüş Mozambik millisinin 4:1 hesablı qələbəsi ilə yekunlaşıb.
Start heyətində yer alan Martins qarşılaşmanı əvəzlənmədən keçirib. 30 yaşlı futbolçu 24-cü dəqiqədə komanda yoldaşına məhsuldar ötürmə edib, 58-ci dəqiqədə isə özü də qol vuraraq qələbəyə töhfə verib.
Bu nəticədən sonra 4 xal toplayan Mozambik qrupda 2-ci pillədə yer alıb.
