![ŞOK HADİSƏ! AFFA-nın bahalı avadanlığı stadiondan oğurlandı](https://www.sportinfo.az/media/2023/10/30/g-nc-stadionu-n-vaxt-t-mir-olunacaq.jpg)
Gəncə şəhər stadionunda oğurluq hadisəsi baş verib.
AFFA-nın balansında olan və arenanın ərazisində saxlanılan iritutumlu qaz boruları yoxa çıxıb.
Xeyli sayda boru gecəylə buradan daşınıb.
Federasiya bir neçə min manat dəyərində avadanlığın oğurlanmasından xəbərdardır. Qurum «Kəpəz» rəhbərliyi ilə bərabər hazırda araşdırma aparır.
Gəncə stadionu yaxınlarda təmirə bağlanıb. Ərazi dəmir lövhələrlə hasarlanıb.
Tezliklə burada böyük yenidənqurma işləri aparılacaq. İnşaat tədbirlərinin 2024-cü ilin sonunadək başa çatdırılması planlaşdırılır.
SPORTİNFO.AZ