Sportinfo.az xəbər verir ki, İngiltərənin “Harlou Taun” klubunun futbolçusu Fransua Kablan qətlə yetirilib.
Xoşagəlməz hadisə Londonda baş verib.
Küçədə gerçəkləşən dava əsnasında 19 yaşlı idmançı bıçaqlanıb. O, aldığı yaralardan yerində ölüb.
Qətldə şübhəli bilinən 3 kişi və 1 qadın saxlanılıb. Onlardan ən böyüyünün 20 yaşı var. Saxlanılanlardan ikisi zaminə buraxılıb. Kablan “Harlou Taun”un əvəzedici komandasının üzvü idi.