“Ermənistan və Türkiyə bir sıra məsələlərdə qarşılıqlı anlaşmaya nail olub”.
Bunu Ermənistanın xarici işlər naziri Ararat Mirzoyan ölkəsinin parlamentində çıxış edərkən deyib.
Onun sözlərinə görə, İrəvan sözügedən razılaşmaların icra ediləcəyinə ümid edir: “Türkiyə ilə münasibətlərin normallaşması məsələsində bir sıra məsələlər üzrə geniş qarşılıqlı anlaşma mövcuddur. Razılaşmaların necə reallaşacağını nəzərdən keçirmək zamanıdır”.
Mirzoyan, həmçinin Türkiyə ilə hazırda kifayət qədər sağlam dialoq aparıldığını vurğulayıb.
