AFFA İntizam Komitəsi Gənclər və U-17 liqalarında baş verən qayda pozuntuları ilə bağlı qərarlar qəbul edib.
Sportinfo.az xəbər verir ki, AFFA Gənclər Liqasında keçirilən oyunlarda 6 futbolçu müxtəlif qayda pozuntularına görə cəzalandırılıb.
“Sumqayıt” - “Araz Naxçıvan” oyununda “Sumqayıt”ın 12 nömrəli futbolçusu Nihat Ağalı hakimi təhqir etdiyinə görə 5 oyunluq cəzalandırılıb.
“Araz Naxçıvan” - “Neftçi” matçında “Neftçi”nin 2 nömrəli futbolçusu Rəhman Şirinov qeyri-idman hərəkətinə görə ikinci sarı vərəqə ilə meydandan qovulduğu üçün 1 oyunluq cəza alıb.
Həmin qarşılaşmada “Neftçi”nin 17 nömrəli futbolçusu Raul Abbasov kəskin etiraz etdiyinə görə qırmızı vərəqə aldığı üçün 2 oyunluq cəzalandırılıb.
“Qarabağ” - “Sumqayıt” görüşündə meydan sahiblərinin 29 nömrəli futbolçusu Cavid Məmmədov təcavüzkar davranışa görə 3 oyunluq cəza alıb.
“Lion” - “Kəpəz” matçında “Lion”un 17 nömrəli futbolçusu Nazim Süleymanov qeyri-idman hərəkətinə görə ikinci sarı vərəqə ilə meydandan qovulduğu üçün 1 oyunluq cəzalandırılıb. Eyni komandadan 1 nömrəli futbolçu İzaayddin Məcidov rəqibi aşkar qol vurmaq imkanından məhrum etdiyinə görə qırmızı vərəqə alıb və 1 oyunluq cəza ilə üzləşib.
AFFA U-17 Liqasında keçirilən “Araz Naxçıvan” - “Dinamo (Bakı)” oyununda isə qonaqların 88 nömrəli futbolçusu Zahid Əbdülov qeyri-etik ifadələr işlətdiyinə görə 1 oyun şərti olmaqla, ümumilikdə 3 oyunluq cəzalandırılıb.
