.jpg)
“Yuventus”un futbolçusu Kriştiano Ronaldonun bacısı Katya Aveyru koronavirusa yoluxub.
Sportinfo.az xəbər verir ki, vəziyyəti ağırlaşdığı üçün onu xəstəxanaya yerləşdiriblər.
Bu barədə o özü “instaqram”da yazıb: “Viruusa iyulun 17-də yoluxmuşam. Evdə müalicə alırdım, özümü çox yaxşı hiss edirdim, hətta simptomlar da hiss olunmurdu.
Amma birdən-birə vəziyyətim pisləşməyə başladı, məndə pnevmaniya yarandı. Xəstəxanaya yerləşdirildim, hazırda bütün qaydalara əməl edirəm. Şükür Allaha ki, sağalıram”.
Katya koronavirusa inanmırdı və bunun “böyük bir oyun“ olduğunu düşünürdü. O, ötən il insanlara müraciət edərək bildirmişdi ki, ayılmaq lazımdır, onları aldadırlar.
