.jpg)
6 sentyabr 2008-ci il..
Gənclər yığmamız 7 il qələbə qazanmamışdı. Bakıda Farer adalarıyla qarşılaşırıq.
Yaxşı heyət, doğma meydan və zəif rəqib… Qalib gəlib, tilsimi qıracağımıza hamı inanırdı.
Rövşən Əmiraslanovun ötürməsini başla tamamlayan Ruslan Abışov U-21-i sevindirdi. Farerlilər Səlahət Ağayevin kobud səhvi nəticəsində hesabı bərabərləşdirdilər.
Sonra səhnəyə Asif Məmmədov çıxdı. Asif təkbaşına müdafiə xəttini çaş-baş salaraq, Vüqar Nadirovun fərqlənməsinə şərait yaratdı. Ardınca Nadirov penaltini boşa verərək, "dubl" şansını qaçırdı.
Maksim Medvedevin lazımsız "podkat"ından sonra hesab 2:2 oldu. Matçın sonunda kapitan Ruslan Abışov topu boş qapıdan çıxarmaqla, U-21-i biabırçı məğlubiyyətdən xilas etdi.
