"Yuventus"un baş məşqçisi Massimiliano Alleqri mövsümə pis başlasa da, vəzifəsində qalacaq.
Sportinfo.az xəbər verir ki, bu barədə "Corriere della Sera" məlumat yayıb.
Bildirilib ki, mütəxəssisin istefaya göndərilməsi təklifini klubun vitse-prezidenti Pavel Nedved irəli sürsə də, Turin təmsilçisinin prezidenti Andrea Anyelli onu rədd edib.
Anyelli dünən Alleqri ilə danışıb. Prezident "Yuventus"un vahid komanda olaraq qalacağına və irəliləmək üçün işləməyə davam edəcəyinə əmin olmaq istəyib.
"Yuventus" ölkə çempionatında 10 xalla 8-ci pillədə qərarlaşıb.