"Real" kapitanı Serxio Ramosla müqavilənin müddətini uzatmağa hazırdır.
Sporinfo.az xəbər verir ki, Madrid təmsilçisi 34 yaşlı futbolçuya 1 illik müqavilə təklif edib.
"Kral klubu" təcrübəli müdafiəçi ilə əməkdaşlığı 2022-ci ilin yayına qədər davam etdirmək niyyətindədir.
Tərəflər ilin sonuna yaxın yeni sözləşmə imzalaya bilər. Lakin Ramosun yay transfer dönəmində komandadan ayrılmaq ehtimalı da mümkündür.
Serxio Ramosun "Real Madrid"lə müqaviləsi 2021-ci ilin yayında başa çatacaq. O, Madrid klubu ilə 22 kubok qazanıb.