İspaniya millisinin baş məşqçisi Luis de la Fuente Almaniya yığmasının və “Liverpul”un yarımmüdafiəçisi Florian Virtsi komandasında görmək istədiyini etiraf edib.
Sportinfo.az xəbər verir ki, 65 yaşlı çalışdırıcı “Sport Bild”-ə açıqlamasında Almaniya millisinin hansı futbolçusunu İspaniya yığmasına dəvət etmək istəyəcəyi ilə bağlı suala cavab verib:
“Florian Virts fantastik futbolçudur. Təəssüf ki, onun İspaniya pasportu yoxdur. Oyunu çox xoşuma gəlir”.
İspaniya millisi isə Virtsiz də uğurlu çıxış edir. Dünya və Avropa çempionları dünən Xorvatiya yığmasına 4:1 hesabı ilə qalib gələrək, məğlubiyyətsiz oyunlar seriyasını 40-a çatdırıb və dünya rekordunu yeniləyib.
