Argentina millisinin üzvü Lionel Messi Madrid “Real”ında da çıxış edə bilərmiş.
Sportinfo.az xəbər verir ki, bunu ulduz futbolçunun ilk agenti Horasio Qaqqoli açıqlayıb.
Onun sözlərinə görə, Messi 16-17 yaşlarında “kral klubu”ndan təklif alıb: “Real” gənc yaşlarında onunla maraqlanırdı.
Lakin Leo heç vaxt “Barselona”dan ayrılmaq istəmirdi. “Arsenal”dan da təklif gəlmişdi. Sadəcə, futbolçunun qalmaq qərarı qəti idi”.
Lionel Messi 2000-ci ildə - 13 yaşında “Barselona” akademiyasına cəlb olunub. 36 yaşlı futbolçu hazırda “İnter Mayami”nin formasını geyinir.
