“Barselona” bu mövsümün sonunda “Nike” idman markası ilə əməkdaşlığı dayandıra və öz brendi altında formalar hazırlamağa başlaya bilər.
Sportinfo.az xəbər verir ki, yekun qərarın mart ayında veriləcəyi gözlənilir. Baxmayaraq ki, kluba yaxın mənbələr bu qərarın gələn həftənin əvvəlində verilə biləcəyini deyir.
“Barselona” öz brendini artıq klubun bütün qeyri-idman geyimlərini istehsal edən BLM şirkəti vasitəsilə yaratmağı planlaşdırır. Kataloniyalılar əmindirlər ki, öz brendləri “Nike” ilə əməkdaşlıqdan daha çox gəlir gətirəcək.
“Barselona” hazırda 57 xalla İspaniya çempionatının turnir cədvəlində 3-cü yerdədir. Komanda lider “Real”dan 8 xal geri qalır.
