1980-ci il Yay Olimpiya Oyunlarının mükafatçısı, Rusiya milli komandasının sabiq məşqçisi Sergey Jelanov bundan sonra atletika üzrə Azərbaycan millisinin məşqçilər heyətində fəaliyyət göstərəcək.
Sportinfo.az xəbər verir ki, bu barədə Azərbaycan Atletika Federasiyasının mətbuat xidmətindən məlumat verilib.
Təcrübəli mütəxəssis yığmanın hazırlıq prosesinə qoşulacaq. Jelanov atletlərin məşq proqramlarının təkmilləşdirilməsi və qarşıdakı yarışlara hazırlıq prosesində iştirak edəcək.
Sergey Jelanov uzun illər atletika sahəsində məşqçi kimi fəaliyyət göstərib və Rusiya milli komandasının məşqçilər heyətində çalışıb.
