İngiltərə millisinin və “Mançester Yunayted”in sabiq futbolçusu Rio Ferdinand UEFA Çempionlar Liqasının 6-cı turunda “Mançester Siti”nin səfərdə “Yuventus”a uduzduğu oyundan sonra fikirlərini bölüşüb.
Sportinfo.az “BBC Sport”-a istinadən xəbər verir ki, ingiltərəli keçmiş müdadfiəçi, Pep Qvardiolanın komandasının heç vaxt bu qədər pis olmadığını bildirib:
“Mançester Siti” 4 dəfə Premyer Liqa çempionu olub. Pep Qvardiolanın komandası heç vaxt bu qədər pis olmamışdı.
O, oyunçuları canlandırmaq üçün bir yol tapmalı, onların əvvəlki formasını və özünəinamını bərpa etməlidir”.
“Yuventus” – “Mançester Siti” matçı Turində keçirilib. Tiaqo Mottanın komandası 2:0 hesabı ilə qalib gəlib. “Şəhərlilər” bu nəticədən sonra 8 xalla turnir cədvəlinin 22-ci pilləsində qərarlaşıb.
