“Qarabağ”ın Avropa Liqasının pley-off mərhələsində Portuqaliyadan “Braqa”ya qarşı keçirəcəyi ev oyununun biletləri tükənmək üzrədir.
Sportinfo.az xəbər verir ki, görüşün keçirilməsinə hələ 3 gün vaxt qalsa da, artıq 29 400 bilet satılıb.
Hazırda 5 sektor üçün ümumilikdə 500 bilet sahibini gözləyir. Həmçinin VİP-ə də satılmayan 100-ə yaxın bilet qalıb.
Fevralın 22-də Tofiq Bəhramov adına Respublika stadionunda keçiriləcək qarşılaşma saat 21:45-də başlayacaq. Braqadakı ilk görüşdə “Qarabağ” 4:2 hesablı qələbə qazanıb.