“Araz-Naxçıvan”ın məşqçilər heyətində ayrılıq baş verib.
Teodor Terziev Muxtar Respublika təmsilçisini tərk edib.
Şimali Makedoniyadan olan fiziki hazırlıq üzrə məşqçi 2 ildir çalışdığı klubla müqavilə müddətini uzatmayıb. 28 yaşlı mütəxəssis ona təklif olunan maddi şərtlərlə razılaşmayıb.
2022-ci ildə “Rabotniçki”də çalışmış UEFA-nın A kateqoriyalı məşqçi lisenziyasına sahib T.Terziev paralel olaraq Şimali Makedoniyanın 19 yaşadək futbolçulardan ibarət millisində də fəaliyyət göstərib.
Beləcə, "Araz-Naxçıvan"da yeni baş məşqçi Cavid Hüseynovun köməkçiləri müəyyənləşib.
Ona Vadar Nuriyev, Ceyhun Rzayev, Şahin Hüseynov (qapıçı məşqçi), Toğrul Bilallı (fiziki hazırlıq) və Şərif Hüseynov kömək edəcəklər. Məşqçilərlə 1 illik müqavilə imzalanıb.
Naxçıvan təmsilçisi iyunun 16-da Cavid Hüseynovla 1 illik müqavilə bağlanıldığını açıqlayıb.
SPORTİNFO.AZ
