Cavid Hüseynovu baş məşqçi postuna gətirmiş “Araz-Naxçıvan” üzünü ölkə xaricinə çevirib.
Muxtar Respublika təmsilçisi yeni legioneri sıralarına qatıb.
Mohamed Mara üzümüzə gələn mövsümü burada keçirəcək. Qvineyalı hücumçu ilə bağlanan müqavilənin müddəti 1 ildir.
29 yaşlı forvard son olaraq Tailanda çıxış edib. “Kançanaburi Pauer”in formasını geyinib, 28 oyunda 3 qol vurub.
Mara daha əvvəl Fransada “Loryan”, “Pari”, “Tonon-Evian”, “Martiq”, “Stad Brioşen”, “Yer”, həmçinin Tailanda “Ratçaburi”nin şərəfini qoruyub.
2016-cı ildə millinin heyətində 1 matça çıxmış ön xətt oyunçusu “Araz-Naxçıvan”da qəpiyə güllə atmayacaq. “Ağ-qırmızılar“ afrikalıya hər ay 10 min dolların üstündə əməkhaqqı ödəyəcək.
Mara “Araz“ın bu yay düşərgəsinə gətirdiyi 6-cı yeni oyunçudur.
Luka Dumançiç ("Persis", İndoneziya), Rəşad Həsənv ("Cəbrayıl"), Alberto Qarsia Fernandes (“Akritas Xloraka”, Kipr), Alexandro Herrera ("San Kristobal”, Dominikan) və Rövlan Muradov ("Zirə") ondan qabaq kollektivə qoşulub.
SPORTİNFO.AZ
