«Neftçi»nin qapıçısı Rza Cəfərova yeni müştəri çıxıb.
Ötən mövsümün ikinci yarısını icarə əsasında «Qəbələ»də keçirmiş kiperə bu dəfə «Araz-Naxçıvan»dan dəvət gəlib.
Muxtar Respublika təmsilçisi 22 yaşlı «əlcək sahibi»ni 1 illik icarə əsasında sıralarına qatmaqda maraqlıdır. «Ağ-qırmızılar»ın rəsmiləri bu istəklə bakılı həmkarlarına müraciət edib.
Cəfərovun niyyəti oynamaqdır. Onun bu məqsədindən Yuri Vernidub məlumatlıdır.
Baş məşqçi bilir ki, Rza geri qayıdıbsa, daha ikinci-üçüncü statusu ilə barışmayacaq.
Ukraynalı çalışdırıcı millimizin də formasını geyinən «əlcək sahibi»ni asanlıqla buraxmayacaq. Kenan Piriç və Emil Balayevlə yanaşı, onu da Sloveniya toplanışına aparacaq.
SPORTİNFO.AZ
