"Araz Naxçıvan"da daha bir legionerin taleyinə aydınlıq gəlib.
Muxtar respublika təmsilçisi uğursuz mövsüm keçirən Bruno Frankonu klubda saxlamağa qərar verib.
Nə qədər qəribə olsa da Braziliya legionerlə başa çatan müqavilə bir il müddətinə uzadılıb.
27 yaşlı futbolçu ötən mövsüm “Lokomotiv”dən (Sofiya) "Araz Naxçıvan"a transfer olunmuşdu.
O, arxada qalan mövsümdə meydana çıxdığı 22 görüşdə 1 məhsuldar ötürmə ilə yadda qalıb.
Sol cinah müdafiəçisi karyerası ərzində "Spartak" (Pleven), "Matonense”, “Rio Branko”, “Batatais”, “Mogi Mirim”(hamısı Braziliya) klublarında oynayıb.
XANOĞLAN / SPORTİNFO.AZ
