“Borussiya”nın (Dortmund) hücumçusu Sebastian Haller “Bayern”ə mümkün keçidindən danışıb.
Sportinfo.az xəbər verir ki, o, Dortmund klubu ilə Bundesliqa çempionluğunu qazanmaq istədiyi üçün “Bayern”lə maraqlanmadığını bildirib:
“Bayern” hücumçu axtarır? Mən ora getməkdə maraqlı deyiləm. “Borussiya” ilə titul qazanmaq istəyirəm”.
28 yaşlı Haller bu mövsüm “Borussiya”nın heyətində 21 oyuna çıxıb, 9 qol vurub və 5 məhsuldar ötürmə edib.
“Borussiya” Almaniya çempionatının başa çatmasına bir tur qalmış 70 xalla turnir cədvəlinə başçılıq edir. “Bayern” Dortmund klubundan 2 xal geri qalaraq, ikinci pillədə qərarlaşıb.
